TÁ PARLAIMINT NA hEORPA AGUS COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 77(2)(a) agus (b) de,
Ag féachaint don togra ón gCoimisiún Eorpach,
Tar éis dóibh an dréachtghníomh reachtach a chur chuig na parlaimintí náisiúnta, Ag gníomhú dóibh i gcomhréir leis an ngnáthnós imeachta reachtach,
De bharr an mhéid seo a leanas:
(1) Mar fhreagairt ar an ionghabháil neamhdhleathach a rinne Cónaidhm na Rúise ar Phoblacht Fhéinrialaitheach na Crimé agus ar chathair Sevastopol in 2014 agus ar a gníomhaíochtaí díchobhsaitheacha leanúnacha in oirthear na hÚcráine, tá smachtbhannaí eacnamaíocha tugtha isteach ag an Aontas Eorpach cheana féin mar fhreagairt ar ghníomhaíochtaí na Rúise atá ag díchobhsú staid na hÚcráine, rud atá ceangailte le cur chun feidhme neamhiomlán Chomhaontuithe Mhionsc; smachtbhannaí i ndáil le gníomhaíochtaí lena mbaintear an bonn d’iomláine chríochach, de cheannasacht agus de neamhspleáchas na hÚcráine nó lena ndéantar bagairt orthu; agus smachtbhannaí i ndáil leis an ionghabháil neamhdhleathach a rinne Cónaidhm na Rúise ar Phoblacht Fhéinrialaitheach na Crimé agus ar chathair Sevastopol.
(2) Mar shínitheoir chomhaontuithe Mhionsc, tá freagracht shoiléir dhíreach ar Chónaidhm na Rúise oibriú chun teacht ar réiteach síochánta ar an gcoinbhleacht
i gcomhréir leis na prionsabail sin. Leis an gcinneadh aitheantas mar eintitis neamhspleácha a thabhairt do na réigiúin nach bhfuil faoi rialú rialtais in oirthear na hÚcráine, is léir gur sháraigh Cónaidhm na Rúise comhaontuithe Mhionsc, comhaontuithe ina sonraítear filleadh iomlán na limistéar sin ar rialú rialtas na hÚcráine.
(3) Leis ▌ an gcinneadh sin ▌ agus an cinneadh a rinneadh dá bharr trúpaí Rúiseacha a chur chuig na limistéir sin, baintear an bonn de cheannasacht agus neamhspleáchas na hÚcráine, agus tá sárú tromchúiseach déanta ar an dlí idirnáisiúnta agus ar chomhaontuithe idirnáisiúnta, lena n-áirítear Cairt na Náisiún Aontaithe, Ionstraim Chríochnaitheach Heilsincí, Cairt Pháras agus Meabhrán Bhúdaipeist.
(3a) An 24 Feabhra 2022, cháin an Chomhairle Eorpach, mar aon lena comhpháirtithe idirnáisiúnta, go neamhbhalbh an fogha míleata a thug an Rúis faoin Úcráin a bhí gan chúis, gan údar agus chuir sí a dlúthpháirtíocht iomlán in iúl leis an Úcráin agus lena muintir. Thairis sin, d’éiligh an Chomhairle Eorpach go gcuirfeadh an Rúis deireadh lena gníomhaíochtaí míleata láithreach, go ndéanfadh sí na fórsaí agus an trealamh míleata uile a tharraingt siar gan choinníoll ó chríoch iomlán na hÚcráine agus iomláine chríochach, ceannasacht agus neamhspleáchas na hÚcráine laistigh dá teorainneacha a aithnítear go hidirnáisiúnta a urramú go hiomlán2. D’athdhearbhaigh an Chomhairle Eorpach an seasamh sin an 25 Márta 2022, an 31 Bealtaine 2022 agus an 24 Meitheamh 20223.
(4) Ionsaí míleata ▌ atá ag tarlú i dtír a bhfuil teorainn aici leis an Aontas Eorpach, amhail atá tarlaithe san Úcráin agus as ar eascair na bearta sriantacha, tugann an méid sin údar le bearta atá ceaptha chun leasanna slándála bunúsacha an Aontais agus a Bhallstát a chosaint.
(5) Ó rinneadh an ionghabháil neamhdhleathach ar leithinis na Crimé an 18 Márta 2014, tá pasanna idirnáisiúnta Rúiseacha eisithe ag an Rúis chuig cónaitheoirí na Crimé.
2 Conclúidí ón gComhairle Eorpach an 24 Feabhra 2022.
3 Conclúidí ón gComhairle Eorpach an 25 Márta 2022, an 31 Bealtaine 2022 agus an 24 Meitheamh 2022.
An 24 Aibreán 2019, shínigh Uachtarán Chónaidhm na Rúise foraithne lena simplítear an nós imeachta chun saoránacht na Rúise a fháil ag cónaitheoirí i limistéir nach bhfuil faoi rialú an rialtais san Úcráin, lena n-áirítear pasanna idirnáisiúnta Rúiseacha a eisiúint do na cónaitheoirí sin. Trí mheán an fhoraithne a eisíodh an 11 Iúil 2022, leathnaigh Cónaidhm na Rúise an cleachtas atá ann faoi láthair gnáthphasanna idirnáisiúnta Rúiseacha a dháileadh ar limistéir eile nach bhfuil faoi rialú an rialtais san Úcráin, go háirithe réigiúin Kherson agus Zaporizhzhia. I mí na Bealtaine 2022, thug Cónaidhm na Rúise nós imeachta simplithe um eadóirseacht Rúiseach isteach le haghaidh dílleachtaí linbh ó Dhaon- Phoblacht Donetsk féindearbhaithe agus ó Dhaon-Phoblacht Luhansk féindearbhaithe, agus ón Úcráin chomh maith. Tá feidhm ag an bhforaithne freisin maidir le leanaí gan cúram tuismitheora agus le daoine atá éagumasach go dlíthiúil agus atá ina n- áitritheoirí sa dá réigiún ▌ sin faoi fhorghabháil. Eisiúint chórasach pasanna Rúiseacha sna réigiúin ▌sin atá faoi fhorghabháil, sin sárú breise ar an dlí idirnáisiúnta agus ar iomláine chríochach, ceannasacht agus neamhspleáchas na hÚcráine. Maidir leis an tSeoirsia, cháin an Chomhairle Eorpach an 1 Meán Fómhair 2008 go láidir cinneadh aontaobhach na Rúise aitheantas a thabhairt do neamhspleáchas na hAbcáise agus na hOiséite Theas agus d’áitigh sí ar thíortha eile gan aitheantas a thabhairt dá neamhspleáchas.4
(5a) Níor thug an tAontas ná a Bhallstáit ná an Íoslainn, an Iorua, an Eilvéis ná Lichtinstéin aitheantas don ionghabháil neamhdhleathach agus cháin siad forghabháil neamhdhleathach réigiúin agus chríocha na hÚcráine ag Cónaidhm na Rúise. (Agus araile)
