An Eoraip agus Litríocht na Gaeilge
1600-1650:
Gnéithe den Bharócachas Eorpach i Litríocht na Gaeilge
le Tadhg Dúshláine
Baile Átha Cliath 1987
Praghas: €30.00
B'é a chuir an t-údar roimhe sa saothar seo anailís liteartha ina gcomhthéacs Eorpach a dhéanamh ar aonaid aitheanta de litríocht Ghaeilge an 17ú haois. Léirítear an comhthéacs stairiúil agus na toscaí intleachtúla is reiligiúnda a cheadaigh do scolairí Éireannacha teagmháil a dhéanamh le coinsiasacht Eorpach na linne. Déantar anailís ar an dá shaothar chráifeacha Ghaeilge is iomraití ón tréimhse sin: Trí Bior-Ghaoithe an Bháis agus Scathán Shacrumuinte na hAithridhe. Léirítear tionchar na hEorpa chomh maith ar fhilíocht na Gaeilge sa 17ú haois go háirithe ar an bhfilíocht pholaitiúil. Beidh tuiscintí nua ar litríocht na Gaeilge sa chead leath den 17ú haois le fáil ag léitheoir an leabhair seo.
_________________________
