Georges Steiner à propos de Tolstoi ou Dostoievski
__________
Georges STEINER remercie Léon Tolstoï
L'oeuvre de Léon Tolstoï : Bilan du XIXe Européen
__________
Ní raibh a leithéid de dhuine ann roimhe ná ina dhiaidh, agus ba mhiorúilt cheart é sin. Agus is é sin an mhiorúilt, nach raibh a leithéid ariamh ann agus nach mbeidh arís choíche is go deo. Agus más amhlaidh an scéal, níor tháinig séisean saor ó dhlíthe an nádúir. Ní raibh an mhíorúilt neamhspléach orthu ach an oiread, agus is iad a bhréagnaigh a bheatha agus a bhás, agus dá bharr sin níl sa domhan agus a bhfuil ann ach deargbhréag. Is bréagacha iad dlíthe an domhain, agus níl sa domhan uile ach ardán ilsiamsach deamhan. Cad chuige go bhfuil an duine beo, mar sin? Tabhair freagra air sin más duine daonna thú.
- ‘Na Deamhain’, Feodar Miochailifits DOSTAIDHEIFSCÍ (1821-81). (Sliocht aistrithe ag Risteárd Mac Annraoi, ‘Mil as Gach Bláth: Blaiseadh de litríocht an domhain’, Coiscéim, 2013, leath. 112)
__________
‘Cá bhfuilim? Cad tá á dhéanamh agam? Cad ina thaobh?
Dhein sí iarracht éirí aníos arís chun tarraingt siar as; ach bhuail ní éigin arrachtach dolúbtha í. Bhuail sé a ceann agus chaith sé ar chúl a cinn í.
‘A Thiarna, maith dom an uile ní!’ a dúirt sí de mhonabhar agus í ag éirí as a hiarracht lag.
Bhí oibrí beag ag obair ar an iarnród agus é ag caint de chogar ina fhéasóg.
Agus an choinneal a thug solas di le leabhar a léamh a bhí lán d’imní, de chur i gcéill, de phian agus d’olc, d’éirigh a lasair anois ina bladhm a thug solas níos mó di ná a bhí ar eolas aici ariamh cheana agus nocht sí gach a bhí i ndorchadas roimhe. Phreab sí go faiteach agus d’imigh sí as choíche is go deo.
- ‘Anna Caireinine’, Leiv Nicealaidhifits TOLSTÁI (1828-1910). (Sliocht aistrithe ag Risteárd Mac Annraoi, ‘Mil as Gach Bláth: Blaiseadh de litríocht an domhain’, Coiscéim, 2013.)
__________
